ភ្នំពេញ៖ ស្ថានទូតកម្ពុជាប្រចាំនៅប្រទេសថៃ បានឱ្យដឹងថា ចាប់ពីថ្ងៃទី១ ខែមេសា ឆ្នាំ២០២៣ នេះតទៅអ្នកដំណើរកាន់លិខិតឆ្លងដែនកម្ពុជា (ពណ៌ឈូកជ្រូក) អាចចូលក្នុងប្រទេសថៃដោយគ្មានទិដ្ឋាការ អាចស្នាក់នៅបានត្រឹមតែ ១៤ថ្ងៃ។
នេះបើយោងតាមសេចក្តីជូនដំណឹងរបស់ស្ថានទូតកម្ពុជាប្រចាំនៅប្រទេសថៃ ឱ្យដឹងនៅថ្ងៃទី៣ ខែមីនា ឆ្នាំ២០២៣។
សេចក្តីជូនដំណឹងដដែលបានឱ្យដឹងបន្ថែមថា សម្រាប់អ្នកលិខិតឆ្លងដែនការទូត និងលិខិតឆ្លងដែនផ្លូវការ អាចស្នាក់នៅបានដល់៣០ថ្ងៃ។
ស្ថានទូតកម្ពុជាប្រចាំនៅប្រទេសថៃបញ្ជាក់ថា ក្នុងករណីមានបំណងស្នាក់នៅរយៈពេលវែង ត្រូវស្នើសុំទិដ្ឋាការជាមុននៅស្ថានទូតថៃនៅកម្ពុជា មុនធ្វើដំណើរទៅកាន់ប្រទេសថៃ៕
ព័ត៌មានជាច្រើនទៀតសម្រាប់អ្នក
